Үүтү туттарыы, оттооһун хаамыыта — 20 августа 2026 г. в 03:45:36.180
Үүтү туттарыы, оттооһун хаамыыта Ил Түмэн ылыммыт сокуонунан тыа хаһаайыстыбатын боломуочуйата улуустарга бэриллэн, эппиэтинэс улахан, чопчу түмүктэр баар буолуохтаахтар. Бары боломуочуйалары толорууну сэргэ, Ил Дархан тыа хаһаайыстыбатын сайыннарыыга таһаарбыт стратегическай суолталаах уурааҕын толорууга күүскэ үлэлиэхтээхпит. Чурапчы улууһа 5200 тонна үүтү туттарар быйылгы былаанын атырдьах ыйын 15 күнүнээҕи туругунан 95% толорон иһэр. Былааны толоруу хаамыытын ырытан көрөн бараммыт, былааммытын 5600 тоннаҕа диэри өрө таһаарарга быһаарынныбыт. Улууска иҥэмтиэлээх аһылыгы туһаныыны киллэрдэхпитинэ, өскөтүн билигин биир ынахтан 2 тыһыынча тонна үүтү ылар буоллахпытына, 3,5 тоннаҕа диэри үрдэтэр кыахтаныахпыт. Ол иһин бу хайысхаҕа салгыы күүскэ үлэлиир санаалаахпыт. Оттооһуҥҥа улуус былаанын 78,1 % толордо. Быйылгы былааммыт 40 тыһыынча тонна от. Онтон 31 406 тоннаны бэлэмнээтибит. 8,5 тыһыынча тонна оту бэлэмниирбит хаалла. Улахан хаһаайыстыбаларбыт бары толоробут дии олороллор. Нэһилиэктэртэн Болтоҥо, Хайахсыт - 100%-тан, Мырыла, Кытаанах - 90%-тан таһааран, толорон иһэллэр. Улуус былааны толорорго эрэллээх. Былырыын бу кэмнэргэ 24 075 тоннаны оттообуппут. Оттооһуҥҥа билигин үлэ былааннаахтык күүскэ бара турар.