Бүгүн, бэс ыйын 10 күнүгэр, улуус баһылыга Юрий Слепцов улуустааҕы төрүт көрүҥнэргэ са... — 10 июня 2026 г. в 12:18:04.302
Бүгүн, бэс ыйын 10 күнүгэр, улуус баһылыга Юрий Слепцов улуустааҕы төрүт көрүҥнэргэ сайыҥҥы Спартакиада тэрийэр хамыыһыйатын сүбэ мунньаҕын салайан ыытта. Мунньахха СӨ ат үрдүттэн ох саанан ытыы федерациятын президенэ Алексей Петров, тустаах салайааччылар кыттыыны ыллылар. Спартакиада нэһилиэктэр икки ардыларыгар ыытыллар комплекснай Спартакиада суотугар бэс ыйын 23-25 күннэригэр киэн туттар биир дойдулаахпыт, Саха сирин уһулуччулаах государственнай уонна политическай деятелэ И.Е. Винокуров төрөөбүтэ 130 сылыгар ананан барыаҕа. Күрэхтэр хапсаҕайга, гиирэ спордугар, мас-рестлиҥҥэ, сахалыы ыстаныыга, чэпчэки атлетикаҕа, национальнай многоборьеҕа, ох саанан уонна буулдьанан ытыыга, хабылыкка, хаамыскаҕа ыытыллыахтара. Ону сэргэ быйыл саҥа көрүҥ, ат үрдүттэн ох саанан ытыы, киирэн биэрдэ. Күөн көрсүһүүлэр 2 сиринэн - Нам сэлиэнньэтин КСК-тыгар уонна Хамаҕатта нэһилиэгэр - тэриллиэхтэрэ.