Кинилэр бэйэлэрин эҕэрдэ тылларыгар култуура үлэһиттэрэ ийэ тылы харыстыырга, сырдатар ...
Кинилэр бэйэлэрин эҕэрдэ тылларыгар култуура үлэһиттэрэ ийэ тылы харыстыырга, сырдатар үлэни ыытарга, норуот төрүт үгэһин үйэтитэргэ киллэрбит кылааттарын уонна үтүө өҥөлөрүн үрдүктүк бэлиэтээтилэр. Култуура үлэһиттэрэ норуот духуобунай олоҕун тутаах тирэҕэ буолалларын, бар дьон уйулҕатын байыталларын, сырдыкка-кэрэҕэ сирдииллэрин уонна көлүөнэлэр сибээстэрин быспат үтүөлээхтэрин ураты бэлиэтээн туран махтал тылларын эттилэр уонна түөскэ анньыллар бэлиэлэри, Бочуотунай грамоталары уонна Махтал суруктары туттардылар. СӨ култууратын миниистирэ Афанасий Ноев уонна улуус баһылыга Юрий Слепцов бэйэлэрин этиилэригэр Энсиэли хочото — Нам сирэ былыр-былыргыттан саха уонна нуучча норуоттарын култууралара ыкса ситимнэспит ураты баай историялаах, өбүгэ саҕаттан дириҥ өйдөөх - толкуйдаах, ил-эйэ олуктаах улуус буоларын бэлиэтээтилэр.⤵️