Улуус баһылыга Юрий Слепцов эҕэрдэ тылыгар Күндайаана Эрилик бэйэтин күүстээх баҕатына...
Улуус баһылыга Юрий Слепцов эҕэрдэ тылыгар Күндайаана Эрилик бэйэтин күүстээх баҕатынан, дьулуурунан Саха сиригэр ханна да суох бастакы толору хааччыллыылаах, тэриллэрдээх ох саанан ытыы саалатын аспытын иһин махталын тиэртэ. Баһылык бу бырайыак ыччаты Дойдуга тапталга иитиигэ, саха төрүт оонньуутун - ох саанан ытыыны - пропагандалааһыҥҥа үтүө холобур буоларын, инникитин бу хамсааһыны Саха сирин үрдүнэн сырдатан тарҕатар сыал-сорук турарын эттэ. Ону сэргэ Юрий Иннокентьевич Ньургустаан Жирков салайааччылаах Нам улууһун ох саанан ытыы федерацията бу дьиэҕэ спортсменнар, нэһилиэнньэ, оҕолор кэлэн эрчиллэллэригэр күүс-көмө буоларыгар ыҥырда. Бу саалаттан инникитин Саха сирин, Россия чемпионнара иитиллэн тахсалларыгар баҕа санаатын тиэртэ, ситиһиилэри баҕарда.