Тэрээһин арыллыытын долгутуулаах чааһыгар айылҕаттан айдарыылаах алгысчыт Тууйас Хаачыл...
Тэрээһин арыллыытын долгутуулаах чааһыгар айылҕаттан айдарыылаах алгысчыт Тууйас Хаачылаана Дьаархан хаан кыыһа Үрдүк Айыылартан көрдөстө, инникитин үгүс спортсмен үүнэн таҕыстын диэн алҕаата, бу уустук кэмҥэ бар дьонун этэҥҥэ буолуҥ диэн кыа оту уматан буруолатан ыраастаата, санааларын, куттарын бөҕөргөттө. "Түһүлгэ" сынньалаҥ киинин специалиһа Надежда Макарова Шура Шамаева тылларыгар, Анна Заровняева матыыбыгар "Ийэккэм" ырыатын бэлэх уунна. Бэлиэ түгэни Күндайаана Эрилик киирии тылынан аста, саҥа үлэҕэ киирбит спорт саалата хайдах тутуллубутун сиһилии билиһиннэрдэ уонна улуус баһылыгар Юрий Слецовка, Хамаҕатта нэһилиэгин баһылыга Евгений Ушницкайга, дьонугар-сэргэтигэр күүс-көмө буолбуттарыгар махтал тылларын анаата.
149 просмотров