Бу хомуллубут үбүнэн кэлэр ый, ол эбэтэр сэтинньи саҥатыгар, улуустан анал бөлөх байыан...
Бу хомуллубут үбүнэн кэлэр ый, ол эбэтэр сэтинньи саҥатыгар, улуустан анал бөлөх байыаннай дьайыы буола турар сир тирэх пууннарыгар Ийэ дойдуларын иннигэр ытык иэстэрин толоро сылдьар биир дойдулаахтарбытын көрсө, көмө тиэрдэ айанныаҕа. Айанныыр бөлөх хомуллубут үбүнэн ичигэс таҥас-сап, наадалаах анал тэриллэри уонна табаардары атыылаһан тиэрдиэҕэ. Ону таһынан, улуус тэрилтэлэрин коллективтара уонна нэһилиэктэр олохтоохторо астаабыт сибиэһэй барыанньаларын, ыһаарыламмыт собо балыктарын, бэрэскилэрин тоҥорон аҕалан туттарбыттарын, ону тэҥэ уолаттар чугас дьоннорун баһыылкаларын бөлөх бэйэтин кытта илдьэ баран тиэрдиэҕэ. Дойдуларыттан кэлбит көмө уолаттарбытыгар күүс-уох эбиэҕэ, санааларын көтөҕүөҕэ диэн эрэнэбит! «Нам улууһа» МО дьаһалтата бу күн «Биир санаанан — биир сомоҕо» аһымал акцияҕа ис сүрэхтэн кыттыбыт, бэйэлэрин кылааттарын киллэрбит уонна күүс-көмө буолбут хас биирдии улууспут олохтооҕор, амарах уонна кыһамньылаах санааҕыт иһин, барҕа махталын тиэрдэр! «Нам улууһа» МО пресс-сулууспата