«Биир санаанан — биир сомоҕо» көмө акция түмүгүнэн 5 253 043,0 солк. хомуллан киирдэ!
«Биир санаанан — биир сомоҕо» көмө акция түмүгүнэн 5 253 043,0 солк. хомуллан киирдэ! Алтынньы 15 күнүгэр улуус нэһилиэктэринэн саҕаламмыт аһымал тэрээһин бүгүн, алтынньы 16 күнүгэр, түмүктүүр акция буолла. Хорсун хоодуот байыас уолаттарбытыгар өйөбүл буолар сыаллаах тэрээһин иһинэн нэһилиэктэр баһылыктара олохтоохтортон хомуллубут үбү, тэрилтэлэр салайааччылара коллективтарын аатыттан туттардылар. Акция чэрчитинэн уопсайа 5 253 043,0 солкуобай суумалаах харчы хомуллан киирдэ. Аһымал акция түмүктүүр тэрээһинигэр «Нам улууһа» МО баһылыгын социальнай боппуруостарга солбуйааччы Егор Протопопов, улуус депутаттарын Сэбиэтин бэрэссэдээтэлэ Алексей Винокуров уонна «Воин» уопсастыбаннай түмсүү салайааччыта Павел Оконешников кыттыыны ыллылар. Кинилэр тэрээһин улахан суолтатын бэлиэтээтилэр уонна акцияҕа көхтөөхтүк кыттыбыт бар дьоҥҥо, тэрилтэлэргэ махтал тылларын тиэртилэр. ⤵️