🐟Былыр-былыргыттан өбүгэлэрбит көмүс хатырыктааҕынан аһаан, киһи-хара буолан кэлбиттэр...
🐟Былыр-былыргыттан өбүгэлэрбит көмүс хатырыктааҕынан аһаан, киһи-хара буолан кэлбиттэрин билэбит. Баай Байанай ыйа сахаларга булду кытта ситимнээх, муҥха кэмэ. Өбүгэ сиэрин-туомун тутуһан, Ньурба тыйаатырын үлэһиттэрэ Норуот сомоҕолоһуутун күнүгэр Дьаархаҥҥа муҥхаҕа сырыттылар. 🎭Тыйаатыр идэлээх сойууһун салайааччыта Барылан Дьаархан: “Норуот сомоҕолоһуутун күнүгэр сөп түбэһиннэрэн муҥханы тэрийбит Дьаархан нэһилиэгин баһылыгар Конощук С.С., тыйаатырбыт салайааччытыгар Багмет А.В. муӈхаһыттар ааттарыттан Махталбытын тиэрдэбит. Өттүк харалаах кэллибит, айылҕалыын алтыстыбыт, салгыы айарга-тутарга күүс-сэниэ ыллыбыт.» 🎭Михайлов Ньургун: “Бэртээхэй сырыы буолла. Муҥха буоларыгар сүүрбүт-көппүт, көҥүллээбит тустаах дьоммутугар махтал” 🎭Слепцова Майя: “Көрү-нары көҕүлүттэн тутан, айылҕалыын алтыһан дьоллонон кэллибит, дьоно да элбэҕэ сөхтөрдө!” 🎭Аламай Айыы: “Махтанабыт, айылҕаҕа дуоһуйа сынньанныбыт, муҥха сиэрин-туомун биллибит”.
Канал в каталоге Максиметера
290 подписчиков · Госорганы и учреждения