🇷🇺🗣️ АРАССЫЫЙА НОРУОТТАРЫН ТЫЛЛАРЫН КҮНҮНЭН! — 8 сентября 2026 г. в 08:56:15.887
🇷🇺🗣️ АРАССЫЫЙА НОРУОТТАРЫН ТЫЛЛАРЫН КҮНҮНЭН! Балаҕан ыйын 8 күнүгэр биһиги дойдубутугар Арассыыйа норуоттарын тылларын күнэ бэлиэтэнэр. Бу бырааһынньык Арассыыйа Президенин 2025 сыл сэтинньи 4 күнүнээҕи Ыйааҕынан олохтоммута уонна дойдубут элбэх норуоттаах эйгэтигэр тыл араас көрүҥүн, баайын харыстыыр уонна сайыннарар суолтатын бэлиэтиир. Бу бэлиэ күн мээнэҕэ талыллыбатаҕа — балаҕан ыйын 8 күнүгэр Дагестан норуотун аатырбыт улуу поэта Расул Гамзатов күн сирин көрбүтэ. Саха сиригэр бу бырааһынньык ураты дириҥ суолталаах. Манна, Хотугу сир сүрэҕэр, үйэлэр усталарыгар араас омук дьоно эйэлээхтик олорон, бэйэлэрин төрүт үгэстэрин, култуураларын уонна төрөөбүт ийэ тылларын харыстаан кэллилэр. Хас биирдии тыл — бу норуот дууһата, кини устуоруйата уонна мындыр өйө-санаата, аан дойдуну уратытык көрүүтэ буолар. 🌿Эһигини Арассыыйа норуоттарын тылларын күнүнэн ис сүрэхпититтэн истиҥник эҕэрдэлиибит! Төрөөбүт ийэ тылбыт мэлдьи дьиэрэйэ, сайда турдун, көлүөнэттэн көлүөнэҕэ утумнанан, улуу дойдубут норуоттарын ураты баайын уонна духуобунай нэһилиэстибэтин харыстаатын! 📲МАХ|