🗳️✍️ БЫЫБАРГА БЭЛЭМНЭНИИ: Тааттаҕа быыбар хамыыһыйаларын чилиэттэригэр анал үөрэх семи... — 9 сентября 2026 г. в 11:54:55.883
🗳️✍️ БЫЫБАРГА БЭЛЭМНЭНИИ: Тааттаҕа быыбар хамыыһыйаларын чилиэттэригэр анал үөрэх семинар-совещаниета буолан ааста Бүгүн, балаҕан ыйын 9 күнүгэр Ытык Күөлгэ Таатта улууһун дьаһалтатын мунньахтыыр саалыгар быыбар хамыыһыйаларын бэрэссэдээтэллэригэр, сэкирэтээрдэригэр уонна чилиэттэригэр анаммыт үөрэх сүбэ-мунньаҕа буолла. 📊 Таатта улууһугар уопсайа 16 Участковай быыбар хамыыһыйата (УИК) үлэлиир (ол курдук, 13 нэһилиэккэ биирдии уонна Ытык Күөл киинигэр 3 уокурук баар). 🗳️Быыбары үрдүк таһымҥа тэрийэн ыытарга улуус үрдүнэн уопсайа 135 УИК уонна 8 Территориальнай быыбар хамыыһыйатын (ТИК) үлэһитэ күүскэ үлэлииллэр. Бүгүҥҥү бэлэмнэнии семинарга 43 УИК чилиэттэрэ уонна ТИК 8 үлэһитэ кэлэн көхтөөхтүк кытыннылар. 🌐 Мунньахха анал ситиминэн — ВКС (видеоконференцсвязь) нөҥүө — Саха Өрөспүүбүлүкэтин Киин быыбар хамыыһыйатын (ЦИК РС(Я)) Бэрэссэдээтэлин солбуйааччы Иван Михайлович Андросов кыттыыны ылла. Кини быыбар хаамыытын уратыларын, куоластааһын сүрүн ирдэбиллэрин сиһилии сырдатан, хамыыһыйа чилиэттэригэр сыаналаах сүбэлэри-амалары биэрдэ. 📋 Семинар кэмигэр ТИК Бэрэссэдээтэлэ С.Н. Элякова былааннаммыт үлэлэр бастакы түһүмэхтэрин уонна соруктарын билиһиннэрдэ; 🚨 Баһаар куттал суох буолуутун ирдэбиллэрин туһунан инструктор Сабрина Абрамова сэрэттэ; 👮♂️ Быыбар уокуругар сокуоннай бэрээдэги тутуһууну уонна ураты быһыыга-майгыга полиция үлэһиттэрин кытта алтыһыыны ИДьМ капитана Максим Саввин сырдатта; 📹 ТИК бэрэссэдээтэлин солбуйааччы А.Е. Ефимова куоластааһын кэмигэр агитационнай матырыйааллары кэтэбилгэ тутуу, анал видео кэтэбил (видеонаблюдение, видеофиксация) боппуруостарын дьүүллэстэ; 📦 Ону таһынан, сейф-пакеттары, пломба-наклейкалары туһаныы, бюллетеннэри кытта үлэ уонна үп-харчы хааччыллыыта сиһилии ырытылыннылар. Мунньах түмүгэр хамыыһыйа үлэһиттэригэр анал дьыалабыай оонньуу тэрилиннэ, ол иһинэн араас уустук быһыыга-майгыга хайдах чуолкай алгоритмынан үлэлиэхтээхтэрин быһаардылар. Ыытыллыбыт үөрэх быыбардар улууспутугар сокуон кытаанах ирдэбилин тутуһан, аһаҕастык уонна этэҥҥэ ааһалларыгар улахан тирэх буолара саарбахтаммат! 📲МАХ|