💐🏛 УЛУУ КИҺИБИТИГЭР СҮГҮРҮЙҮҮ — 14 сентября 2026 г. в 05:29:42.708
💐🏛 УЛУУ КИҺИБИТИГЭР СҮГҮРҮЙҮҮ Бүгүн, балаҕан ыйын 14 күнүгэр — саха норуотун улуу сырдатааччыта, Социалистическай Үлэ Геройа, Саха норуодунай суруйааччыта Дмитрий Кононович Сивцев – Суорун Омоллоон төрөөбүтэ 120 сыллаах өрөгөйдөөх күҥҥэ үбүлүөйдээх тэрээһиннэр саҕаланнылар. Бу бэлиэ күн кини бэйэтэ төрүттээбит уонна үйэтиппит мааны сиригэр — Ытык Күөллээҕи Хадаайытааҕы литературнай-художественнай музей-заповедникка улуу киһибит пааматынньыгар сибэкки дьөрбөтүн ууруу долгутуулаах, ытык түгэнэ буолан ааста. 💐Тэрээһиҥҥэ улуус баһылыга Айаал Бурцев, салалтата, култуура уонна үөрэҕирии эйгэтин үлэһиттэрэ, бэтэрээннэр, ыччаттар, оскуола үөрэнээччилэрэ уонна ыраахтан-чугастан кэлбит ыалдьыттар кытыннылар. Мустубут дьон Суорун Омоллоон саха норуотун духуобунаһыгар, тыйаатырыгар, литературатыгар уонна музейнай дьыалатыгар киллэрбит сүҥкэн кылаатын дириҥ махталлаахтык аҕыннылар. Хадаайы музейа — Суорун Омоллоон олоҕун сыратын анаан, саха классик суруйааччыларын духуобунай эйгэлэрин биир сиргэ түмпүт ытык биһигэ буолар. Дмитрий Кононович Сивцев – Суорун Омоллоон хаалларбыт баай нэһилиэстибэтэ, сырдык аата үйэлэргэ умнуллубат ытык кэриэс буолан салгыы дьиэрэйэ туруоҕа! 📲МАХ