Балаҕан ыйын 10 күнүгэр Таатта улууһун кырыымпаһыттара бүтүн Арассыыйатааҕы "Россия нор... — 14 сентября 2026 г. в 05:13:13.554
Балаҕан ыйын 10 күнүгэр Таатта улууһун кырыымпаһыттара бүтүн Арассыыйатааҕы "Россия норуоттарын ырыалара" бырайыак чэрчитинэн ыҥырыллан Туймаада хочотугар "Үс хатыҥ" түһүлгэҕэ тиийэн видеоклипка уһулуннулар. Кыттыыны ыллылар Ытык Күөллээҕи уонна Уус Тааттатааҕы оҕо ускуустубатын оскуолатын оҕолоро, салайааччылара уонна биирдиилээн кырыымпаһыттар. "Кыл Саха" ансамбль салайааччыта Анна Томская, Тыараһа нэһилиэгин баһылыгын солбуйааччыта Туналы Солко, улуустааҕы тыа сирин көҕүлүүр дириэксийэ сүрүн специалиһа Аграфена Баишева быйыл сайын Чычымахха тэрийбит кырыымпаһыттар лааҕырдарыттан таҕыста. Лааҕырга биир дойдулаахтарбыт кырыымпаҕа оонньуурга сатабылларын чочуйбуттара буолла. Бу бырайыак олоххо киириитигэр көмөлөспүт күндү дьоммутугар - улуустааҕы норуот айымньытын дьиэтин дириэктэригэр И.А.Сивцеваҕа, СХТ дириэктэригэр В.В.Аржаковка, А.И.Томскаяҕа, суоппар Г.П.Мартыновка, урбаанньыт С. Софроновка махталбытын тиэрдэбит. Бу курдук төрүт дорҕоону таһаарар кырыымпабыт үүнэ сайда-чэчирии турдун. А.А.Баишева 📲МАХ