⚡️🏢 КЫСТЫККА БЭЛЭМНЭНИИ: Улууска энергоресурснай тэрилтэлэр салайааччыларын кытары сүб... — 9 сентября 2026 г. в 12:18:06.767
⚡️🏢 КЫСТЫККА БЭЛЭМНЭНИИ: Улууска энергоресурснай тэрилтэлэр салайааччыларын кытары сүбэ мунньах буолан ааста Бүгүн, балаҕан ыйын 9 күнүгэр, Таатта улууһун баһылыгын бастакы солбуйааччыта Руслан Захаров бэрэссэдээтэллээх энергоресурснай тэрилтэлэр салайааччыларын кытары суһал сүбэ мунньах ыытылынна. Мунньахха «Төлөн» АО генеральнай дириэктэрэ Прокопий Рахлеев уонна туһааннаах тэрилтэлэр салайааччылара, исписэлиистэрэ кыттыыны ыллылар. 📋 Мунньахха сүрүн үс боппуруос ырытылынна: 1️⃣ 📦 Улууска чох саппааһа: Оттук сезонун этэҥҥэ саҕалыыр уонна киллэрэр туһуттан котельнайдарга чоҕу тиэрдии хаамыытын, билиҥҥи саппаас таһымын уонна үөскээбит кэккэ ыарахаттары быһаарыы суолларын дьүүллэстүлэр. 2️⃣ ⛽️ ГСМ (уматык) саппааһа: Кыстык кэмигэр коммунальнай уонна анал техника тохтообокко үлэлиирин хааччыйар уматыгынан, сүрүннээччи матырыйаалларынан хааччыйыы уонна АЗС-тар үлэлэрэ сырдатылынна. 3️⃣ 🚜 «Сахаспецтехника» тэрилтэ үлэтэ: Улуус иһигэр анал техника үлэтин ситимнээхтик тэрийии уонна тэрилтэ кыаҕын толору туһаныы боппуруостара ырытылыннылар. Мунньах түмүгүнэн хас биирдии хайысханан туһааннаах салайааччыларга чопчу соруктар туруорулуннулар. Кыстыкка бэлэмнэнии уонна улуус олохтоохторун туруктаах итиинэн хааччыйыы үлэтэ улуус дьаһалтатын кытаанах хонтуруолугар тутуллуоҕа! 📲МАХ|