🥇 Къэрэшей-Шэрджэсым къыщыдэкI «Черкес хэку» газетым и редактор нэхъыщхьэ, УФ-м и Тхак... — 10 марта 2026 г. в 14:59:04.923
🥇 Къэрэшей-Шэрджэсым къыщыдэкI «Черкес хэку» газетым и редактор нэхъыщхьэ, УФ-м и Тхак1уэхэм, Журналистхэм я союзхэм хэт, КъШР-м и ТхакIуэхэм я Союзым и Шэрджэс къудамэм и унафэщI, КъШР-м щIыхь зиIэ и журналист АБИДОКЪУЭ ЛЮСАНЭ къыхуагъэфэщащ «Адыгэ Республикэм щIыхь зиIэ и журналист» цIэ лъапIэр. Ар гъатхэпэм и 6-м Адыгейм и ЛIыщхьэ КъумпIыл Мурат къритыжащ журналист, тхакIуэ, жылагъуэ лэжьакIуэ гуащIафIэм. 🥇 Ди лэжьэгъу бзылъхугъэ жаным дохъуэхъу игури и псэри зыхилъхьэ Iуэхум къыпэкIуа ехъулIэныгъэм папщIэ. Фигу къэдгъэкIыжынщи, иджыблагъэ «Урысейм папщ1э» ЦIыхубэ фронт» урысейпсо жылагъуэ зэщIэхъееныгъэм и ГъэзэщIакIуэ комитетым ищIа унафэм ипкъ иткIэ, КъШР-м щылажьэ ЦIыхубэ фронтым и ревизионннэ комиссэм и унафэщI Абидокъуэ Люсанэ Москва ирагъэблагъэри, «ТекIуэныгъэм папщIэ» бгъэхэIу дамыгъэмкIэ ягъэлъэпIащ. Ар къыпэкIуащ ЦIыхубэ фронтым иригъэкIуэкI лэжьыгъэм теухуа хъыбархэр сытым дежи и чэзум республикэ газетым къызэрытридзэм. 🥇 Творчествэ и лъэныкъуэкIэ Люсанэ илэжьхэми пщIэ ин щиIэщ республикэм. Иджыблагъэ абы къыхуагъэфэщащ Къэрэшей-Шэрджэс Республикэм и ЛIыщхьэм Литературэмрэ гъуазджэмкIэ и саугъэтыр. ✍️НЭЩIЭПЫДЖЭ Замирэ.