♦️КъБР-м и Музыкэ къэрал театрым мазаем и 23-м концерт щек1уэк1ащ, Хэкум и хъумак1уэхэм... — 25 февраля 2026 г. в 11:26:38.840
♦️КъБР-м и Музыкэ къэрал театрым мазаем и 23-м концерт щек1уэк1ащ, Хэкум и хъумак1уэхэм я махуэм и щ1ыхьк1э. Ар къызэрагъэпэщащ КъБР-м щэнхабзэмк1э и министерствэр и дэ1эпыкъуэгъуу. ♦️Театрым и пэ1ущ1э пэшым дзэ оркестрыр макъамэк1э щы1ущ1ащ зэхыхьэм зыкърезыгъэхьэл1ахэм. Абдеж щагъэуват Хэку зауэшхуэм и л1ыхъужьхэм я сурэтхэм я гъэлъэгъуэныгъэ. ♦️Пшыхьыр ягъэдэхащ республикэм и уэрэджы1ак1уэ, къэфак1уэ, артист нэхъыф1хэм. Концертым щыжа1ащ Хэкум, зауэм, тек1уэныгъэм теухуа уэрэдхэр. Абыхэм еда1уэхэр я лъахэм, я къэралым, абы щыпсэу ц1ыхухэм иригушхуэрт, утыкум итхэм 1эгуауэшхуэ хуа1эту. ♦️Зэхыхьэм зыкърагъэхьэл1ащ КъБР-м и хабзэхъумэ 1энат1эхэм я лэжьак1уэхэм, щ1ыналъэр зэрыгушхуэ зауэм и ветеранхэм, дзэ 1уэху хэхам хэта л1ыхъужьхэм, абыхэм я унагъуэхэм, кадетхэм, жылагъуэм, республикэм щыпсэухэмрэ абы и хьэщ1эхэмрэ. 🎥✍️ ТЕКlУЖЬ ЗАРЕТЭ.