Бүген «Батыр» спорт мәктәбендә «Умырзая» балалар бакчасының зурлар һәм мәктәпкә әзерлек... — 9 сентября 2026 г. в 10:21:49.309
Бүген «Батыр» спорт мәктәбендә «Умырзая» балалар бакчасының зурлар һәм мәктәпкә әзерлек төркемнәрендә тәрбияләнүче балалар кунакта булды. Нәниләр спорт залы, анда узучы спорт төрләре һәм эшләп килүче түгәрәкләр белән таныштылар. Балалар бадминтон һәм өстәл теннисы инвентарьларын беренче тапкыр кулларына тотып карап, әлеге спорт төрләре белән уен аша таныштылар. 🏸🏓 Спорт залында бер генә минутка да тынлык урнашмады: малайлар да, кызлар да туп типте, төрле уеннарда катнашты. Балаларның шат авазлары залны тутырып торды! Тәрбиячеләр дә, нәни кунаклар да очрашудан бик канәгать калдылар һәм рәхмәтләрен җиткерделәр. «Батыр» спорт мәктәбе коллективы сабыйларның киләчәктә дә спорт белән шөгыльләнергә теләкләре артыр дип өметләнә һәм һәр баланы спорт түгәрәкләрендә көтеп кала.