📣БОЛҔОЙУҤ! БОЛҔОЙУҤ! БОЛҔОЙУҤ!📣 — 12 июня 2026 г. в 02:38:47.235
📣БОЛҔОЙУҤ! БОЛҔОЙУҤ! БОЛҔОЙУҤ!📣 🍃🍃🍃🍃🍃🍃🍃🍃🍃🍃 Уус – уран самодеятельность көхтөөх кыттааччылара – А5а дойду улуу сэриитин ветерана, хоту көһөрүллүү кыттыылааҕа, үлэ -тыыл ветерана Татьяна Ильинична Шеломова – 100 с., прозаик, публицист, Россия уонна Саха сирин суруйааччыларын Союһун чилиэнэ, Ала5ар нэһилиэгин, Чурапчы улууһун Бочуоттаах олохтооҕо, Саха республикатын үтүөлээх учуутала, нэһилиэк, улуус, республика культурнай эйгэтигэр дьиҥнээх энтузиаст учуутал Варвара Григорьевна Слепцова – Санаа – 95 с., сыана ветерана, герой ийэ Анисья Саввична Мохначевская – 95 с., РСФСР үтүөлээх учуутала, “Учууталлар учууталлара”,“ХХ үйэ Чурапчы улууһун бастыҥ үлэһитэ”, үлэ уонна тыыл ветерана Татьяна Николаевна Хомутова – 95 с., үбүлүөйдээх сылларыгар анаан 🍃НОРУОТ ЫРЫАТЫН ТОЛОРУУТУГАР🪗АҺАҔАС КҮӨН - КҮРЭС ТОСХОЛО: 🟡Тэрийээччилэр: Алаҕар нэһилиэгин А. П. Лыткина аатынан норуот айымньытын дьиэтэ 🟡Буолар күнэ, чааһа: Бэс ыйын 19 күнэ 2026 с 🟡Буолар сирэ: Алаҕар нэһилиэгэ, паарка илин тумуһа 🟡Күрэх сыала – соруга: - Норуот ырыаларын киэҥник тарҕатыы; - Саха ырыатын ис кыаҕын, үгэс буолбут толоруллар матыыптааһын ньымаларын сөргүтүү; - Умнууга хаалбыт саха норуотун ырыаларын сөргүтүү. - улуус, нэһилиэк уус - уран самодеятельность көхтөөх кыттааччыларын ааттарын үйэтитии. 🟡Кыттааччылар үс бөлөҕүнэн кытталлар: - 1 – 5 кылаас оҕолоро; - 6 – 11 кылаас оҕолоро; - Улахан дьон 18 саастарыттан үөһээ. 📍Анал идэлээх ырыаһыттар кыттыбаттар. 🟡 күрэс ирдэбиллэрэ: - Кыттааччыттан биир норуот ырыата ирдэнэр; - Ырыа байаанынан, хормуосканан, кырыымпанан, хомуһунан уо.д.а саха норуот инструменнарынан доҕуһуолланара биһирэнэр; - Кыттааччы сахалыы таҥастаах буолара ирдэнэр. - Кыттааччыттан 300 солк кыттыы иһин төлөбүрдээх. 📍 ДЬҮҮЛЛҮҮР СҮБЭ БЫҺААРЫЫТА БҮТЭҺИКТЭЭХ. 🟡Кыайыылаахтары быһаарыы: Күрэххэ кыттыыны ылбыт дьон бары туоһу сурук туталлар. Хас биирдии бөлөххө 1, 2, 3 миэстэлэр уонна күрэх муҥуутуур кыайыылааҕа –быһаарыллар. Кыайыылаахтарга сыаналаах бириистэр туттарыллаллар. 📍Сайаапканы биэрии: Норуот ырыатын толоруутугар аһаҕас күөн күрэскэ кыттыан баҕалаахтар бэс ыйын 14 күнүгэр диэри сайаапкалары (кыттааччы толору аата – суола, хантан сылдьара, сааһа) бу нүөмэрдэргэ биэрэҕит: Тотонова Е.Н. 89148229153, Борисова С.А. 89248763931 ☎️ Билсэр нүөмэргит: 89148229153 – Тотонова Е.Н. (эрийэн, ватсап, мах)