билигин да ыччаты билии киэҥ аартыгар уһуйа турар. Оскуола көрүдүөрүгэр Прокопий
билигин да ыччаты билии киэҥ аартыгар уһуйа турар. Оскуола көрүдүөрүгэр Прокопий Алексеевич, Ирина Герасимовна хаартыскалара ыйанан тураллар. Ирина Герасимовна, Прокопий Алексеевич нэһилиэк киэн туттар дьонноро. Элбэх оҕолоох ыал, 5 уол оҕо кэннэ күүтүүлээх кыыс оҕо төрөөбүтүгэр нэһилиэк барыта үөрбүтэ - көппүтэ. Аҕыйах сыл буолаат кыыстара Варя ааттаах остуоруйаһытынан биллэн барбыта. Прокопий Алексеевичтаах ураты сэмэй дьон этилэр. Сэрии бэтэрээнин льготатынан букатын туһамматахтара. Олох салҕанар Прокопий Алексеевич, Ирина Герасимовна үөрэппит оҕолоро билигин үгүспүт бочуоттаах сынньалаҥҥа олорор дьоммут. Учууталларбар дириҥ махталым бэлиэтин, кинилэр тустарынан тахсар кинигэҕэ долгуйа, кыратык харааста ахтыыбын суруйарбын улахан чиэһинэн ааҕабын. Өлөксүөйэбэ Морууса (Кириилэбинэ), педагогическай үлэ бэтэрээнэ. Олунньу 15 күнэ, 2010 сыл.