1 сентябрҙән Башҡортостан дөйөм белем биреү ойошмалары “Мәскәү электрон мәктәбе” (МЭШ) ...
1 сентябрҙән Башҡортостан дөйөм белем биреү ойошмалары “Мәскәү электрон мәктәбе” (МЭШ) платформаһында булдырылған “Моя школа” федераль белем биреү системаһына күсә башлай. “Моя школа”ға күсеү тураһында төбәк етәкселеге быйыл май айында һөйләшеп килешкәйне. Яңы электрон көндәлек ярҙамында ата-әсәләргә балалары ниндәй билгеләр алыуын, уның дәрестә булыу-булмауын, ниндәй өйгә эштәр бирелгәнен күҙәтеп барыу еңелләшәсәк. “Моя школа. Дневник” мобиль ҡушымтаһын Рәсәй ҡушымталар магазинынан алып ҡуйырға мөмкин. Системаға “Дәүләт хеҙмәттәре” (ЕСИА) порталындағы иҫәп яҙмаһы аша инелә. “Дәүләт хеҙмәттәре”ндә иҫәп яҙмаһы булмаған ата-әсәләргә һәм уҡыусыларға йәһәтләп порталда теркәлергә кәрәк. Системала танылыу буйынса ҡулланманы республика Мәғариф министрлығы тәҡдим итә (карточкаларҙа). Фото: БР Мәғариф министрлығы / МАКС. 🔷“Аманат” – MAКС-та max.ru/amanatrb