ҖА

ҖАН АВАЗЫ

Без категории · 23 марта 2026 г.

Открыть канал в MAX

ЯЗ ИСЕ

ЯЗ ИСЕ Яз исе... Беренче мәхәббәт... Үз исе, ялгышмый калырлык! Кинәттән шул таныш ис тоеп, Барысы хәтердә яңарды - Кош тоткан кешедәй йөрүем, Ишетеп: - Яратам, дигәнең... Бөтен Җир шары да аз иде, Күкләргә ашырды сөюең! Яз исе... Беренче саф хисләр... Елмаеп куюлар кинәттән. Ашкынып, очрашу көтүләр, Шулкадәр ут-ялкын йөрәктә! Яз исе... Беренче үкенеч... Гомергә җитәрлек күңелдә - Аңа, дип чигелгән яулыкка Беренче күз яше түгелгән... Яз исе... Томаннар, бозлавык... Сыдырган, әрнеткән, өшеткән. Самими, шундый саф хыяллар, Кар кебек эрегән өметләр. Яз исе... Татлы да, газап та, Яз белән гел төшә исемә - Адашып син калдың еракта, Адаштым язларда үзем дә... 21-23.03.2026 Ришат Галимов