Туган авыл өчен эшләнгән матур гамәл
Туган авыл өчен эшләнгән матур гамәл Арабызда туган авылының киләчәге, халкы өчен янып яшәүче кешеләр аз түгел. Югары Мәтәскә авылында гомер итүче Фәргать Әхмәтов — шундый райондашларыбызның берсе. ☀️Балачакта уйнап үскән елга буендагы күмелгән чишмәне ул берничә ел элек яңадан тергезә. 💧Су чыккан урынны эзләп табып, торба суза, чишмәне төзекләндерә һәм бүген дә аны үзе карап, чистартып тора. Хәзер бирегә су алырга төрле яклардан кешеләр килә. Чишмәнең суы да белгечләр тарафыннан тикшерелгән һәм яхшы нәтиҗәләр күрсәткән. Фәргать Әхмәтовның зур теләге — чишмәгә илтүче юлны да тәртипкә китерү. «Судан күбрәк кеше файдалансын», — ди ул. 🏘️ Туган җиргә мәхәббәт зур сүзләрдән түгел, шундый гади гамәлләрдән күренә. 🌿💧
959 просмотров