Стәрлетамаҡ дауаханаһы яңы медицина ҡорамалдары менән тулыланды — 10 сентября 2026 г. в 09:32:49.206
Стәрлетамаҡ дауаханаһы яңы медицина ҡорамалдары менән тулыланды «Оҙон һәм әүҙем ғүмер» милли проекты сиктәрендә Стәрлетамаҡтың 1-се ҡала клиник дауаханаһына яңы электроэнцефалограф алынды. Ул сифатлы медицина ярҙамы күрһәтеү өсөн мөһим ҡорал. Аппарат нервы системаһының эшен ентекләп өйрәнеү өсөн кәрәк: уның ярҙамында табиптар үҙәк һәм периферик нервы системаһының функциональ торошон тикшерә, баш мейеһенең эпилептиформ әүҙемлеген диагностикалай, когнитив функцияларҙың боҙолоуын (шул иҫәптән хәтер һәм иғтибар менән бәйле проблемаларҙы) асыҡлай, шулай уҡ нервы-мускул системаһының торошон баһалай ала. Стәрлетамаҡтың 1-се ҡала клиник дауаханаһының баш табибы Илшат Яппаров әйтеүенсә, яңы прибор дауахананың диагностика мөмкинлектәрен һиҙелерлек арттырасаҡ: « Ошо ҡорамал арҡаһында беҙҙең неврологтар һәм диагностика белгестәре нервы системаһы эшендәге етди боҙолоуҙарҙы тиҙ һәм ауыртыуһыҙ асыҡлай, шунда уҡ дауалауҙы башлай һәм ошо рәүешле ауыр өҙлөгөүҙәрҙең үҫешен иҫкәртә аласаҡ». Сығанаҡ һәм фото: Башҡортостан Республикаһы Һаулыҡ һаҡлау министрлығы