«Сулпан» балалар театры яңы спектакль өҫтөндә эшләй башланы. — 11 июня 2026 г. в 03:34:14.388
«Сулпан» балалар театры яңы спектакль өҫтөндә эшләй башланы. Был юлы спектакль нигеҙендә балалар әҙәбиәте классигы Вадим Коростылевтың «ВОВКА УТЫҘ ТУҒЫҘЫНСЫ БАТШАЛЫҠТА» әкиәте ята. Инсценировка авторы - Әнгизә Ишбулдина. Ҡуйыусы режиссер - Башҡортостандың атҡаҙанған артисы Фирғәт Ғарипов. Уның эштәрен тамашасылар һәм театр труппаһы "Герой", "Әкиәт китабы", "Самрау батша бүләге", "Тыуған көн" спектаклдәренән яҡшы белә. Премьера 2026 йылдың 16 СЕНТЯБРЕНӘ планлаштырылған. Йәш тамашасыларыбыҙҙы һәм уларҙың ата-әсәләрен яратҡан герой менән бергә сағыу, музыкаль һәм фәһемле мажара көтә.
105 просмотров