Район мәгариф хезмәткәрләренең традицион киңәшмәсе яңа уку елына старт сызыгының иң мөһ... — 21 августа 2026 г. в 11:18:53.401
Район мәгариф хезмәткәрләренең традицион киңәшмәсе яңа уку елына старт сызыгының иң мөһим вакыйгасы булып санала. Бүгенге чараның кульминациясе булып педагогларга дәүләт дәрәҗәсендәге бүләкләр тапшыру торды. Район башлыгы Рамил Рәшит улы Нотфуллин һәм Татарстан Республикасы Мәгариф һәм фән министрлыгының фәнни–техник сәясәт бүлеге мөдире Җәлил Нургали улы Мотыгуллиннар намуслы хезмәтләре өчен бертөркем укытучыларны тәбрикләп уздылар. «Татарстан Республикасы Мәгариф һәм фән өлкәсе отличнигы» билгесе белән бүләкләнделәр: · Муллагалиева Марина Михайловна — Балтачның 4 нче номерлы балалар бакчасы тәрбиячесе; · Егорова Вероника Вениаминовна — Кече Лызи урта мәктәбенең география һәм биология укытучысы; · Салихова Сүрия Ильдус кызы — Балтач мәктәбенең башлангыч сыйныфлар укытучысы; · Панкова Елена Юрьевна — Балтач гимназиясенең рус теле һәм әдәбияты укытучысы; · Шәрифуллина Розалия Харис кызы — Бөрбаш балалар бакчасы мөдире. Россия Федерациясе Мәгариф министрлыгының Мактау грамотасына лаек булдылар: · Вәлиуллина Фәридә Нурзада кызы — Балтачның 1 нче номерлы балалар бакчасы тәрбиячесе; · Жукова Ираида Евгеньевна — Чепья урта мәктәбенең рус теле һәм әдәбияты укытучысы; · Җәлалова Алсу Икрам кызы — Балтач гимназиясенең биология укытучысы; · Мөхәммәдиева Алия Мәсхүт кызы — Смәел урта мәктәбенең рус теле һәм әдәбияты укытучысы; · Николаева Серафима Анатольевна — Урта Көшкәт урта мәктәбенең рус теле һәм әдәбияты укытучысы; · Тимербаев Сәүдәр Мингали улы — Балтач урта мәктәбенең тормыш иминлеге нигезләре укытучысы; · Хадиева Рәмзия Разил кызы — Норма урта мәктәбенең рус теле һәм әдәбияты укытучысы; · Хәкимова Лилия Гаднан кызы — Балтачның 2 нче номерлы балалар бакчасы мөдире; · Шакирова Гөлсимә Минталип кызы — Карадуган гимназиясенең рус теле һәм әдәбияты укытучысы. «Профессиягә тугрылык өчен» күкрәк билгесе белән бүләкләнүчеләр: · Байрәмова Тәхурә Зыятдин кызы — Түнтәр урта мәктәбенең рус теле һәм әдәбияты укытучысы; · Рәхимҗанов Ханнан Гафурҗан улы — Шубан төп мәктәбе директоры. Барлык бүләкләнүче укытучыларыбызны ихлас күңелдән котлыйбыз! Фотоальбом https://vk.ru/album-122979932_311594957