Мамадыш шәһәрендә Татарстан Республикасы Рәисе II Кубогының махсус хәрби операциядә ка... — 29 августа 2026 г. в 17:26:27.333
Мамадыш шәһәрендә Татарстан Республикасы Рәисе II Кубогының махсус хәрби операциядә катнашучылар һәм ветераннар өчен беренче этабы үтте. Ярышларда республиканың 13 муниципаль районыннан 60тан артык спортчы көч сынашты. Ярыш программасы буенча, катнашучылар мини-футбол һәм гер күтәрүдә осталыкларын күрсәттеләр. Балтач районы данын яклап ярышларда катнашкан Фидәил Гомәр улы Хәсәнов, гер күтәрү буенча, үз дисциплинасында беренче урынны алды! Райондашыбыз ирешкән нәтиҗә – шәхси җиңү генә түгел, ә илебез сагында торучы солдатларыбызның ныклыгының һәм сабырлыкларының якты дәлиле дә! Республикабызда әлеге турнирны оештыру һәм эзлекле дәвам итү демобилизацияләнгән хәрбиләрнең социаль адаптациясендә һәм тормышка яраклашуларында зур роль уйный, җәмгыять бердәмлеген һәм ил иминлеген саклаучыларга карата хөрмәтне күрсәтә.