Ел саен август ахыры районыбыз халкы күңеленә онытылмаслык күркәм мизгелләре белән кере... — 29 августа 2026 г. в 05:10:11.357
Ел саен август ахыры районыбыз халкы күңеленә онытылмаслык күркәм мизгелләре белән кереп кала! Бүген, 29 август көнне, Татарстан Республикасы көне уңаеннан, «Сабантуй» паркы янәшәсендәге болынлыкта, традицион ат чабышлары узачак. Ярышлар быел Хәрби батырлык һәм Хезмәт фидакарьлеге елы, Махсус хәрби операциядә катнашучылар һәм атказанган төзүче, райондашыбыз Рифат Мидхәт улы Закировның якты истәлегенә атап, ике яшьлек атлар, чиста токымлы айгырлар һәм бияләр арасында, 1400 – 2000 метр аралыктагы дистанцияләрдә оештырыла. Чабышта катнашырга теләк белдергән җайдакларның үзләре белән медицина справкасы, паспорт копиясе, саклагыч шлемнары булуы шарт! 14 яше тулмаган җайдакларга, бары тик әти-әнисенең рөхсәт кәгазе булган очракта гына, ярышларга катнашу рөхсәт ителә. Атлар – паспорты, ветеринар күзәтү узганлыгы хакында (1нче номерлы форма яки 4нче номерлы белешмә) белешмәсе булган очракта гына чабышта катнашу хокукы алачак. Ярышларга теркәлү иртәнге сәгать 10.30 - 12.15. Ат чабышларына старт 12.30 сәгатьтә бирелә. Хөрмәтле райондашлар, сезне Татарстан Республикасы көне уңаеннан оештырылачак ат чабышына чакырып калабыз. Ярышлар имин, бәйрәм күтәренке рухта узсын!