🤼♂️Көрәш — милләтебезнең йөзек кашы, горурлыгы, келәмдәге алыш халкыбызның сүнмәс ру...
🤼♂️Көрәш — милләтебезнең йөзек кашы, горурлыгы, келәмдәге алыш халкыбызның сүнмәс рухын, гайрәтен һәм ныклы ихтыяр көчен чагылдыра. Районыбыз данлыклы батырлар үстергән төбәк буларак билгеле. Әле кичә генә сөлгене беренче тапкыр кулына алган малайлар бүген инде тәҗрибәле чемпионнардан үрнәк алып, келәмдә осталыкларын чарлый. Аларның да йөрәкләрендә шул ук дәрт һәм җиңүгә омтылыш кабына! 12 сентябрь көнне Арбор авылында, үзенең лачыннары белән хаклы рәвештә горурланучы җирлектә, милли көрәш бәйгесе узачак! Ярыш турында мәгълүмат: 📅 Узачак көне: 12 сентябрь. ⏰ Башлану вакыты: 10:00 сәгатьтә. 📍 Урыны: Арбор авылы 🏆 Келәмдә: 2010 елда туган һәм аннан соңгы яшьтәге көрәшчеләр төрле үлчәү категорияләрендә көч сынашачак. Әлеге бәйге яшь буынга милли көрәшебезнең нечкәлекләрен өйрәнергә, спорт осталыгын арттырырга, Ватанга карата сөю тәрбияләргә һәм сәламәт яшәү рәвешен пропагандалауга ярдәм итү максатыннан оештырыла. Яшь көрәшчеләребезгә уңышлар телибез!