Көзнең иң матур, җылы мизгелләр белән сугарылган ае – ул октябрь! Шушы айда кадерле ке...
Көзнең иң матур, җылы мизгелләр белән сугарылган ае – ул октябрь! Шушы айда кадерле кешеләребез – өлкән буын вәкилләрен хөрмәтләүгә аеруча зур игътибар бирелә. Халыкара Өлкәннәр көне уңаеннан үткәрелә торган декада кысаларында, Борнак авылы җирлегендә дә авылның хөрмәтле әби-бабайларын мәдәният йортына чакырып һәм өйләренә барып, күчтәнәч пакетлары тапшырылды, концерт номерлары күрсәтелде. Кечкенә генә бүләкләр һәм игътибар артында зур хөрмәт, рәхмәт һәм ихтирам яшеренгән. Өлкәннәр белән очрашулар җылы әңгәмәгә, ихлас елмаюларга һәм буыннар арасындагы күперне ныгытуга барып тоташа. Аларның күзләрендә кабынган шатлык нурларын күрү – зур бәхет. Өлкәннәр декадасы кысаларында узучы чаралар — гадәти традиция генә түгел, ә әхлакый бурычыбызны үтәү. Кадерле өлкәннәребез! Сезгә ныклы сәламәтлек, җан тынычлыгы, озын гомер телибез!