Бүген Балтач мәдәният үзәгендә узган бәйрәмдә тәрбиячеләр һәм мәктәпкәчә яшьтәге балала...
Бүген Балтач мәдәният үзәгендә узган бәйрәмдә тәрбиячеләр һәм мәктәпкәчә яшьтәге балалар белән эшләүче хезмәткәрләр исеменә иң матур сүзләр һәм теләкләр яңгырады. Баланың якын дусты, сердәшчесе,тормышка беренче адымнарын ясарга ярдәм итүче мөгаллиме аерым игътибарга лаек! Шуңа күрә дә балалар бакчалары хезмәткәрләренең һөнәри бәйрәмнәре, аерым бер истәлекле дата буларак, һәр елның 27 сентябрендә билгеләп үтелә. Әти-әни, әби-бабай кочагында иркәләнеп-назланып кына үскән сабый бала өчен ике-өч яшендә тәүге тәрбиячесе икенче әнигә әверелә. Җәмгыятебездә тәрбияче һөнәре аеруча олы хөрмәткә лаек. Илебезнең, районыбызның даны һәм көче киләчәк буынның нинди булуына да бәйле. Тантаналы чарада тәрбияче һөнәрен намус белән башкарган райондашларыбызга, ветеран тәрбиячеләргә Балтач муниципаль район башлыгы Рамил Рашит улы Нотфуллин ихлас теләкләрен ирештерде, алдагы эшчәнлекләрендә һәм тормышларында уңышлар, иминлек теләде. Күркәм бәйрәм чарасы мәктәпкәчә белем бирү оешмаларында эшләүче хезмәткәрләрне олылау, бүләкләү мизгелләре белән үрелеп барды. Альбом https://vk.ru/album-122979932_311972888