Бүген башкалабыз Казанда авыл хуҗалыгы һәм эшкәртү сәнәгате алдынгыларын хөрмәтлиләр. Т...
Бүген башкалабыз Казанда авыл хуҗалыгы һәм эшкәртү сәнәгате алдынгыларын хөрмәтлиләр. Тантаналы чарада Татарстан Республикасы Рәисе Рөстәм Миңнеханов җитәкчелегендәге Дәүләт Советы депутатлары, Хөкүмәт әгъзалары, муниципаль район башлыклары, республикабызның төрле почмакларыннан иң тырыш хезмәтчәннәр катнаша. Тантана барышында агросәнәгать комплексын үстерүгә, шулай ук милләтара татулыкны һәм хезмәттәшлекне ныгытуга зур өлеш керткәне өчен, Балтач муниципаль районы башлыгы Рамил Рәшит улы Нотфуллин югары дәүләт бүләге — «Дуслык» ордены белән бүләкләнде. Рөстәм Миңнеханов, орденны шәхсән үзе тапшырып, хөрмәтле лидерыбызның күпьеллык фидакарь хезмәтен югары бәяләде һәм районны үстерүдәге ролен аеруча билгеләп үтте. Әлеге орден — районыбыз башлыгы Рамил Нотфуллинның һәм халкыбызның гомуми казанышы, туган җиргә карата тугрылыгы билгесе. Хөрмәтле җитәкчебезне ихластан котлыйбыз!