30 октябрь илебездә Сәяси репрессия корбаннарын искә алу көне буларак билгеләп үтелә. Р...
30 октябрь илебездә Сәяси репрессия корбаннарын искә алу көне буларак билгеләп үтелә. Россия тарихында җан өшетерлек вакыйга булып уелып калган репрессия еллары әле бүген дә күпләрнең күңелендә саклана. Бүгенге көндә районыбызда нигезсез рәвештә репрессиягә дучар ителгән биш кеше яши. Гөнаһсызга рәнҗетелеп яшәешләрендә бик күп авырлыклар күргән райондашларыбызның хәлләрен белдек, җылы теләкләребезне әйтеп һәркайсына районыбызның күчтәнәч-бүләкләрен тапшырдык. Алар барысы да тормышта үз урыннарын табып, гаилә корып , балалар үстергәннәр, әмма һәрвакыт курку хисе белән яшәгәннәр,йөрәкләрендәге яра гомер буе әрнетеп торган. Йөзләрендә аларның якыннарына карата ягылган яланы әле бүген дә күрергә мөмкин. Тарихта мондый аяныч вакыйгалар башка кабатланмасын.Әрнү-газаплы елларның шаһиты булган райондашларыбызга сәламәтлек,җан тынычлыгы телим! Илебез тыныч, күкләребез аяз булсын!