28 нче апрель көнне Балалар иҗат үзәгендә "Дизайн студиясе" түгәрәгенә йөрүче кызлар бе... — 28 апреля 2026 г. в 14:07:46.285
28 нче апрель көнне Балалар иҗат үзәгендә "Дизайн студиясе" түгәрәгенә йөрүче кызлар белән татар халкының бөек шагыйре Габдулла Тукай иҗатына багышланган "Тукай-милләтебез кояшы" дигән кичә узды. (Түгәрәк җитәкчесе: Зарипова Разида Кашбелгилем кызы.) Бәйрәмдә кызларның әниләре дә катнашты. Кызлар сәнгатьле итеп яраткан шагыйребезнең шигырьләрен яттан сөйләделәр, әкият геройлары белән бергә төрле күңелле уеннар уйнадылар. Әниләр дә бәйрәмдә бик теләп катнашты, Тукайның шигырьләрен, әкиятләрен матур итеп сөйләделәр, "Кем тизрәк" уенында катнашып мәкальләр әйтештелэр. Тукай иҗатына багышланган кроссворд, табышмаклар чиштеләр. Ә инде иң көтеп алган мизгел - кызларның өй эшен тикшерү булды. Кызлар ике группага бүленеп коллектив эш башкардылар. Габдулла Тукай әкиятләреннән алынган персонажларны: Су анасы һәм Шүрәле композициясен эшләп, аны яклау иде. Балаларның эшләре искиткеч матур, зәвык белән иҗади якын килеп эшлэнгэн. Ике эш тә призлы урынга ия булды. Кызларга алга табада иҗади уңышлар теләп калабыз. Бәйрәм кичәбез "И, туган тел" җыры белән тәмамланды.