ХЕЙ-АЪТ ЫРЫЗЫ — 10 июня 2026 г. в 12:01:43.302
ХЕЙ-АЪТ ЫРЫЗЫ Ѳгбелерниң ѳндүр чаагай маадырлыг тоолдарының кезектери… Тыва ча дугайында тоол ШЫЯАН АМ ТОС ДЭЭРНИҢ АДААНДА ТОЗАН ТОС ЧЫЛДЫКТЫГ ЧЕРНИ ЭЖЕЛЕЙ ЧУРТТААН, ОЪТ-СИГЕН АГЫ-КАҢГЫ-БИЛЕ БҮТКЕН, САЙ-ДАЖЫ АЛДЫН-МӨҢГҮН-БИЛЕ БҮТКЕН, ЭЛЕЗИН-ДОВУРАА ЭМ-ТАҢ-БИЛЕ БҮТКЕН, КАТ-ТООРУУ ЧИГИР-ЧИМИС-БИЛЕ БҮТКЕН, АККАН СУУ АРЖААН-БИЛЕ БҮТКЕН, ЫДЫКТЫГ ТЫВАЗЫНЫҢ ДЕЛГЕМИН ЭЖЕЛЕЙ ЧУРТТААН, АРАТ-ЧОНУНУҢ СҮЛДЕ-СҮЗҮҮН ХЕЙ-АДЫН КИИСКИТКЕН, БАЧЫТТЫГ ЧЕРНИҢ ДОВУРААН БУРУЛАДЫР ХҮРҮМНҮГ ЧЕРНИҢ КҮЧҮЗҮН АРЫГЛАНДЫР, ОЮЛДУР-ЧИРИЛДИР ЧАСПАС АДАР, АДААН-МӨӨРЕЙЛИГ, АДЫГ-ЧАРЫШТАН ЧЫДА КАЛБАС МЕРГЕННЕРНИҢ НАЙЫРЫ-ДАА ЭГЕЛЕП ТУР ЭВЕСПЕ! ШЫЯАН АМ, КАДЫГ КАРА ЧАЗЫНЫҢ КИРИЖИН ЭРТЕН ТЫРТКАН БОДУ КЕЖЭЭГЕ ЧЕДИР ТЫРТТЫП, КЕЖЭЭ ТЫРТТЫНГАН БОДУ ЭРТТЕНГЕ ДЭЭР ТЫРТТЫНЫП КЕЛИРГЕ, ҮСТҮҮ САГЫНДАН ҮЖЕН УЛУ УЛУЖУП, АЛДЫЫ САГЫНДАН АЛДАН УЛУ АЛГЫРЖЫП, ХАН ХОЖУУЛА ОГУНУҢ БАЖЫНДАН ОТ ЧАЛБЫРАП, ЭРГЭЭНИҢ БАЖЫНДАН ХАН ДЫРЫЛАП, СЫСТЫП КЭЭРГЕ, ЫШКЫНА ЧОРУЙ САЛЫРГА, ЧҮС ШАРЫ ЧҮЪГҮ ЫЯШТЫ ӨРТТЕНДИР ЧИГГЕШ, ЧҮС ДИЛГИНИҢ ҮТТҮГ ЧАРНЫН ӨТТҮР ДЕГГЕШ, ЧҮС ИРТ КЕЖИНГЕ БАРЫП ӨРТТЕНДИР ДЕГГЕШ, ЧҮС ТЕВЕНЕНИҢ ҮДҮН ЧИРЕ ДЕГГЕШ, ЧИРГИЛЧИННИГ ЧИҢГЕ ХОВУНУҢ КЕС-БААЛЫЫ-БИЛЕ ОГУ АЖЫП, АЖАР-БУЖАРЫН, АЛБЫС-ШУЛБУЗУН КАРАК-ЧИВЕШ АРАДА ҮЗЕ ШИШПИП, САЛЫП ҮНДҮРҮП ТУРУП-ТУР ЭВЕСПЕ ОО! Сѳзүглелдиң тургузукчузу: Алена Хорбаа Аялгазы: Андрей Монгуш Үн бижидикчизи: Шораан Салчак Күүселдези: Андрей Монгуш Хүндүлүг чонувус! Үш ыдык оюннарывыстың байырлыг чыскаалдарынга ук материалды салып ап турарын сүмеледивис!