ХЕЙ-АЪТ ЫРЫЗЫ — 10 июня 2026 г. в 12:01:42.793
ХЕЙ-АЪТ ЫРЫЗЫ Ѳгбелерниң ѳндүр чаагай маадырлыг тоолдарының кезектери… Аът дугайында тоол ШЫЯАН АМ ШЫЯАН АМ, ЭРТЕНГИНИҢ ЭРТЕЗИНДЕ, БУРУНГУНУҢ МУРНУНДА ИРТ-СЕРГЕ МЫЙЫЗЫ ИРИП ДҮЖҮП ТУРАР ШАГДА, ДЕЛЕГЕЙНИҢ ДЕСКИЗИНГЕ ОКТАРГАЙНЫҢ ОРТУЗУНГА МУНУП ТУДАР, ДЭЭРНИҢ АК, КАРА БУЛУДУН ИЙИ КУЛАА-БИЛЕ ӨРҮ-КУДУ КӨЖҮРҮП МУНАР ДАГЛЫГ ЧЕРНИ ШӨЛ КЫЛДЫР СУГЛУГ ЧЕРНИ КУРГАДЫ МӨӨР, ЧҮГҮРҮК АЪТ-ДАА ЧОРУП-ТУР ЭВЕСПЕ. ХОЮП-ХОЮП БАЗАРГА, - КОЪДАН ДЕГ ЧЕР ХООРЛУП, ТАЙЫП-ТАЙЫП БАЗАРГА, - ДАГ-ДАШТЫ ДАЛГАННАЛДЫР, БЕДИК ЧЕРНИҢ БЕЛИНГЕ ТЕПСИП, ЧАВЫС ЧЕРНИҢ БАЖЫНГА ТЕПСИПТЕРГЕ ДЭЭРНИҢ СЫЛДЫЗЫ МУҢ ЧҮС ЧЕРГЕ ТОГЛАП, ЧЕРНИҢ ДОВУРАА ДЭЭРИНГЕ ШАШТЫГЫП, АЙНЫҢ КАРААН КУДУРУУ-БИЛЕ ДУГЛААР, ХҮННҮҢ КАРААН ЧЕЛИ-БИЛЕ ДУГЛААР, ХӨЛ БОЛГАН ХӨЛБЕҢ КАРА ЧОНАКТЫГ, АРТ БОЛГАН АҢГАЙГАН-КЕҢГЕЙГЕН ЭЗЕРЛИГ, ҮШ ДАКПЫР ХӨМҮЛДҮРГЕ, КУДУРГАЛЫГ, ОН АЛДЫ КОЛУННУГ, ЧИРИМНИГ, АЛДАН ЭР АРГАЖЫП СУГАР АЛДЫН ЧУЛАР ЧҮГЕННИГ, АЛДЫН ДОВУРЖАК КЫМЧЫЛЫГ, ДЕРИГ-ХЕРЕКСЕЛИ ДЕНДИИ ЧАРАШ ДООСТУНУП-ДӨГЕРТИНЕР АЪДЫН-ДАА АРАТ-ЧОНУ АЛГАП, ЙӨРЭЭП АМДЫГАА ДЭЭР ЫДЫКТАП ЧОРУУР-ДАА ЧҮВЕҢ ИРГИН! Сѳзүглелдиң тургузукчузу: Алена Хорбаа Аялгазы: Андрей Монгуш Үн бижидикчизи: Шораан Салчак Күүселдези: Айдаш Барыңмаа Чурук каасталгазы: Айлаң Пириней Хүндүлүг чонувус! Үш ыдык оюннарывыстың байырлыг чыскаалдарынга ук материалды салып ап турарын сүмеледивис!