Бүгүн, кулун тутар 21 күнүгэр сибиэһэй салгыҥҥа бэрт сэргэх “Буран-2026” күрэх буолан а... — 21 марта 2026 г. в 15:31:30.303
Бүгүн, кулун тутар 21 күнүгэр сибиэһэй салгыҥҥа бэрт сэргэх “Буран-2026” күрэх буолан ааста. Бу күрэхпит иккис сылын буран көлөлөөх Дьаархаммыт нэһилиэгин эр дьонун икки ардыларыгар ыытыллар. Биир дойдулаахтаарбыт, анал байыаннай дьайыы кыттыылаахтара Софрон Григорьев – Сооппо, Иван Прокопьев – Банюкка сырдык ааттарын үйэтитэр сыаллаах биир үрдүк таһымнаах тэрээһин. Алта эр бэртэрэ, алта түһүмэхтээх күрэҕи аастылар. Бастакы түһүмэх: Буран хайыһарын устуу, кэтэрдии; Иккис түһүмэх: Буран кареткатын устуу, кэтэрдии; Үһүс түһүмэх: Сыал ытыы; Төрдүс түһүмэх: Сыарҕалаах буранынан куул тиэйэн айан; Бэһис түһүмэх: Гонка; Алтыс түһүмэх: Ыккый ойуурунан айан. Бу түһүмэхтэр бары тус-туспа көрдөрүүлэри биэрдилэр. Түмүгэр Слава Васильев бастакы миэстэ уонна “Тягач года”, Павел Николаев иккис миэстэ уонна “Король бездорожье” анал аакка тигистэ, Иван Иванов үһүс миэстэни уонна “Железный буран” анал ааты ылла. “Лучший стрелок” Владислав Прокопьев, “Виртуоз руля” Вадим Габышев уонна Николай Охлопков Сооппо оҕо сааһын доҕотторо туруорбут 5000 солкуобай уу харчынан бириистэрин тутта. Бары кыттыбыт дьоммут оһуобай бириискэ тиксэннэр дьиэлэригэр тарҕастылар. Махтанабыт спонсордарбытыгар: 5000 солкуобай уу харчынан – Сооппо оҕо сааһын доҕотторугар (Уйгулаан Васильев, Христофор Терентьев, Айаан Андреев, Василий Павлов, Спиридон Максимов). “ДНС” маҕаһыыҥҥа 3000 рб сертификат– Сооппо бииргэ сулууспалаабыт доҕоругар Данилов Семен Ивановичка. Гайковерт набор – Софрон ийэтигэр уонна бииргэ төрөөбүттэригэр. Буран хайыһара – Иван Прокопьев дьонугар уонна бииргэ төрөөбүттэригэр. Вариатор “Арктик” – олохтоох дьаһалтаҕа уонна Жарханский Иван Ефремовичка ИП “Планета” хаһаайыныгар. “Штурм” маҕаһыыҥҥа 10000 рб сертификат – Сооппо доҕоругар Егор Михайловка уонна кэргэнигэр Диана Фомина Бүлүү улууһун, Бороҕон нэһилиэгиттэн. Рыболовный ящик – КФХ Федоров Александр Николаевичка. Бары дьоллоох, доруобай буолуҥ!