Дьаархаҥҥа отчуокка 44 киһи кытынна. Нэһилиэк олохтоохторуттан доруобуйа харыстабылын, ... — 7 февраля 2026 г. в 11:39:25.381
Дьаархаҥҥа отчуокка 44 киһи кытынна. Нэһилиэк олохтоохторуттан доруобуйа харыстабылын, ОДьКХ туһунан ыйытыктар киирэн хоруйданнылар. Олохтоох биэлсэр уурайан барыаҕыттан Дьаархаҥҥа нэдиэлэҕэ иккитэ Чаппандаттан медик кэлэн көрөрүн, паллиативнай балыыһа Ньурбаҕа көстөҕүнэ хайдах буолуохтарын туоһуластылар. Улуустааҕы киин балыыһа кылаабынай бырааһа Артем Ксенофонтов быһаарбытынан, Чаппанда паллиативнай балыыһата Ньурбаҕа көстөҕүнэ даҕаны, учаастактааҕы быраас уонна биэлсэр хаалаллар, Дьаархаҥҥа биэлсэр булуллуор диэри кэлэн дьону көрүөхтэрэ. Быйыл этэҥҥэ буоллаҕына, федеральнай бырагырааманан Чаппандаҕа саҥа балыыһа дьиэтэ тутуллуохтаах. «ОДьКХ» ГУП Ньурбатааҕы филиалын дириэктэрэ Алексей Тихонов хочуолунайга оһоҕу уларытарга үлэ барыаҕын иһитиннэрдэ. Ааспыт сылга «Дьулуур» потребительскэй кэпэрэтиип үүтүн собуотун дьиэтин өрөмүөнүгэр улуустан үп көрбүппүт, быйыл үлэтэ түмүктэниэхтээх. Дьаархан оскуолата быйылгыттан саҕалаан хаппыыста олордоругар сорудахтаатым. Улуус өттүттэн көмө оҥоһуллуоҕа. 😌https://t.me/glavanyurbainnokentev