Ньурба оройуонугар ыччат уонна култуура сайдыытын кэскилэ – "УТУМ. СИТИМ. КЭСКИЛ" пуору... — 4 февраля 2026 г. в 04:07:22.628
Ньурба оройуонугар ыччат уонна култуура сайдыытын кэскилэ – "УТУМ. СИТИМ. КЭСКИЛ" пуорум ситиһиилээхтик буолан ааста! ▶️ Тохсунньу 2-3 күннэригэр, икки күн устата, Ньурба оройуонун ыччата, култуура үлэһиттэрэ уонна уопсастыбаннаһа биир күүстээх түһүлгэҕэ түмсэн, олох күөстүү оргуйда. "УТУМ. СИТИМ. КЭСКИЛ" диэн дьоһуннаах пуорум чэрчитинэн араас хабааннаах лиэксийэлэр, үөрэхтэр, бырайыактыыр үлэҕэ бастакы холонуулар, үлэ уопутун үллэстиилэр, төгүрүк остуоллар, интэриэһинэй көрсүһүүлэр уонна эрчимнээх ыччат уонна култуура үлэһиттэрин холбоһуктаах аһымал кэнсиэрэ буоллулар. 🔸 Биһиги Сүлэ нэһилиэгиттэн дьаһалта уонна култуура киинин үлэһиттэрэ, ону таһынан нэһилиэкпит киэн туттуута "Айылгы" үҥкүү бөлөҕө көхтөөхтүк кытынныбыт. Бу улахан уонна суолталаах түһүлгэ төрүттэммитигэр, ыччаты уонна култуураны өйөөбүт Ньурба култууратын уонна эдэр ыччатын эйгэтин үлэһиттэригэр улахан махталбытын тиэрдэбит. Ону сэргэ, пуорум дириҥ ис хоһоонноох буоларыгар сүрүн кылааты киллэрсибит Арктикатааҕы судаарыстыбаннай ускуустуба, култуура уонна креативнай индустрия университетын кэлэктиибигэр, ректор Саргылана Семеновнаҕа истиҥ махтал! 🔸 Пуорум иккис күнүгэр олус сэргэх, айар өйү, толкуйдуур дьоҕуру үлэлэтэр тыыннаах "Идеатон" диэн практическай семинар ыытылынна. Манна эһиил ыытыллаары турар Саха Өрөспүүбүлүкэтин норуоттарын IX спортивнай оонньууларын үрдүк таһымҥа тэрийэргэ анаммыт хамаанданан оҥоһуллубут бэлэм бырайыактар уонна саҥа өйүктэр көрүлүннүлэр. Биһиги хамаанда Чаппанда оскуолатын 11 кылаас үөрэнээччилэрин Дайаана Тихонова уонна Алина Алексееваны кытта оҥорбут туризмы Ньурба оройуонугар нэһилиэктэринэн сайыннарыыга анаммыт бырайыакпыт дьон болҕомтотун тардан, олус сэҥээриини ылла! Бу пуорум биһиэхэ саҥа күүһү-уоҕу, саҥа өйүктэри биэрдэ. 💚 Утуммут салҕанар, ситиммит кэҥиир, кэскилбит үүнэр! ✊🏼