ДЬАҤХААДЫ НЭҺИЛИЭГЭ – ОЛОҤХО ЫҺЫАҔЫН СИТИҺИИЛЭЭХ КЫТТЫЫЛААҔА! — 15 июня 2026 г. в 05:03:03.907
ДЬАҤХААДЫ НЭҺИЛИЭГЭ – ОЛОҤХО ЫҺЫАҔЫН СИТИҺИИЛЭЭХ КЫТТЫЫЛААҔА! Мэҥэ-Хаҥалас улууһун Ороссолуода нэһилиэгэр буолан ааспыт XIV улуустааҕы Олоҥхо ыһыаҕа Дьаҥхаады нэһилиэгин аатын чаҕылхай ситиһиилэринэн киэргэттэ. Нэһилиэк талааннаах дьоно, түмсүүлээх бөлөхтөрө хас да хайысханан үрдүк наҕараадалары ылан, кыайыы өрөгөйүн биллилэр. Бу үөрүүлээх түгэҥҥэ нэһилиэкпит чиэһин икки талааннаах далбар хотун ааттатта: Айталина Николаевна Верховцева – үс төгүллээх ситиһиилэнэн, салайааччы быһыытынан үрдүк таһымнааҕын дакаастаата: • «Оллоонноон олорон олоҥхону толоруох» олоҥхо толоруу күрэҕэр кини салайар «Оллоон» бөлөҕө «Биһирэбил» аат Бастакы үрдэлин ылары ситистэ. • «Ыһыах күн Чабырҕахтаан чаҕаарыах!» чабырҕах күрэҕэр «ТэТИМ» бөлөҕө «Добун сурук» Үһүс үрдэл хаһаайыттарынан буоллулар. • Маны таһынан, Айталина Николаевна бэйэтэ, олоҥхо эйгэтин сайыннарыыга улахан кылаатын иһин, тэрийээччилэр анал, ураты суолталаах бириистэригэр тигистэ. Татьяна Неустроева – оһуохай эйгэтигэр бастыҥын көрдөрдө! • «Түөлбэ күөлэ холобурдаах түһүлгэни төрүттүөх» диэн оһуохай күрэҕэр кини бастыҥынан ааттанан, «Добун сурук» Бастакы үрдэл кыайыылааҕа буолла! Биир ыһыахтан маннык элбэх кыайыы – Дьаҥхаады нэһилиэгин дьонун түмсүүлэрин, төрүт култуураҕа бэриниилэрин уонна талааннаах дьоно элбэҕин чаҕылхай туоһута. Кыайыылаахтарбытыгар, салайааччыларбытыгар ис сүрэхтэн тахсар итии-истиҥ эҕэрдэ! Уруй-Айхал!