Манчаары- Сочи куоракка. — 14 мая 2026 г. в 23:17:28.753
Манчаары- Сочи куоракка. 🔹Дойдубут хоккейын фестивалыгар Сахабыт сириттэн биһиги Манчаары хамаандабыт оонньоото. 🔹Уопсайа күрэххэ 198 хамаанда, 4000 тахса хоккеист спортсменнар кытыннылар. Уолаттарбыт "Лига Мечты" - диэн, 28 хамаандаттан турар бөлөххө кииристэ. 🔹Бастакы күн Ижевск куораттан "Камские Белки"-диэн хамаандаҕа хотторон, салгыы Тольятти куорат «Молния» - хамаандатын кытта тэҥнэһэн, үһүс оонньууга бастаабыт Красноярскай хамаандатын эрэллээхтик кыайан, түмүктүүр күҥҥэ Ставрополь куорат «Титан» - хамаандатын 10:2 ахсаанынан кыайан түмүккэ бэһис миэстэҕэ таҕыстылар. 🔹Биһиги Майабытыттан, Сэбиэскэй уулуссаттан, аһаҕас мууска дьарыктанан тирэх ылан уолаттарбыт куһаҕана суох көрдөрүүнү ситистилэр. Үгүс дьону соһутан, Сахабыт сирин, Манчаарыбытын ааттаппыттарыгар Алексей Иннокентьевич Неустроевынан сирэйдээн хамаанда бары кыттыылаахтарыгар эҕэрдэбин тиэрдэбин. 🔹Инникитин саҥа үрдэллэри дабайа туруоххут диэн бигэ эрэлбин биллэрэбин. Хамаанда баран кыттарыгар күүс көмө буолбут биир дойдулаахтарбытыгар, сүрүн үбүлээччи Александр Егорович Кычкин салайааччылаах Өрөспүүбүлүкэ биир бастыҥ үлэлээх «Комдрагмет»-тэрилтэ бары үлэһиттэригэр уолаттар ааттарыттан махталбын тиэрдэбин. 📱 @dmitriytikhon0v 💬МАХ сыһыарыыга суруттар- https://max.ru/id1415008873_gos2