🔹Күндү биир дойдулаахтарым! — 26 апреля 2026 г. в 22:59:46.933
🔹Күндү биир дойдулаахтарым! 🔹Бука барыгытын Сахабыт Өрөспүүбүлүкэтэ төрүттэммит күнүнэн уонна Төрүт Сокуоммут күүһүгэр киирбит бэлиэ күнүнэн улууспут дьонун-сэргэтин, салалтатын аатыттан итиитик-истиҥник эҕэрдэлиибин! 🔹Муус устар 27 күнүгэр 1922 сыллаахха – Өрөспүүбүлүкэ бары олохтоохторугар инникини быһаарбыт, үтүөнү түстүүр бэлиэ күн. Бу күн Максим Аммосов, Былатыан Ойуунускай, Исидор Барахов, Степан Аржаков, биир дойдулаахпыт Кузьма Гаврилов курдук чулуу салайааччыларбытын киэн тутта ахтан ааһабыт, кинилэргэ дириҥ махталбытын биллэрэбит. 🔹Бүгүҥҥү күҥҥэ Мэҥэ Хаҥалас улууһа Сахабыт сирин судаарыстыбаннаһа бөҕөргүүрүгэр, норуот хаһаайыстыбатын бары салааларыгар, оҥорон таһаарыыга, успуорка, култуураҕа, үөрэҕирии эйгэтин көрдөрүүлэригэр инники күөҥҥэ сылдьар улууһунан буолар. Түгэнинэн туһанан үлэни өрө тутар, инникигэ эрэллээх, дойдубутугар бэриниилээх дьоммор-сэргэбэр барыгытыгар махталбын тиэрдэбин. 🔹Инникитин даҕаны маннык, түмсүүлээхтик, биир санаанан салайтаран, тапталлаах Сахабыт сирэ салгыы чэчирии сайдарын туһугар үлэлиэҕиҥ-хамсыаҕыҥ. Үлэ дьонун бастыҥ холобурдарыгар тирэҕирэн, иннибит диэки эрэллээхтик хардыылыаҕыҥ! 🔹Үүнэ сайда тур тапталлаах дойдубут Саха сирэ! 📱 @dmitriytikhon0v 💬МАХ сыһыарыыга суруттар- https://max.ru/id1415008873_gos2