Этнологический музейный комплекс «Мандар Уус» МР «Таттинский улус» РС(Я).
Образование · 21 июня 2026 г.
🎨🍲🔨 «ИИС.УУС.АС» FEST: Ытык Таатта ыһыаҕын иккис күнэ — 21 июня 2026 г. в 10:16:13.399
🎨🍲🔨 «ИИС.УУС.АС» FEST: Ытык Таатта ыһыаҕын иккис күнэ Бүгүн, бэс ыйын 21 күнүгэр, Ф.М. Охлопков аатынан сынньалаҥ пааркатыгар улууспут мааны ыһыаҕын иккис күнүн көрсө «Иис.Уус.Ас» (IIS UUS AS FEST) IV өрөспүүбүлүкэтээҕи этнографическай бэстибээл үөрүүлээх арыллыыта буолла. 🎤 Үөрүүлээх бэстибээл арыллыытыгар мустубут бар дьону, уран уустары улуус баһылыга Айаал Бурцев, А.Е. Кулаковскай аатынан Норуоттар доҕордоһууларын дьиэтин генеральнай дириэктэрэ Антонида Корякина, Өрөспүүбүлүкэтээҕи норуот айымньытын дьиэтин отдел сэбиэдиссэйэ Ириада Пахомова, Дагестан Өрөспүүбүлүкэтиттэн кэлбит бочуоттаах ыалдьыппыт, «Литературный Дагестан» уонна «Соколенок» сурунааллар холбоһуктаах эрэдээксийэлэрин сүрүн эрэдээктэрэ Мурад Ахмедов истиҥ эҕэрдэлэрин эттилэр, ситиһиини баҕардылар. 🌟 Бүгүн бэстибээл былаһааккатыгар 🔨 «Күкүр Уус утума» — тимир уустарын уонна хомус оҥорооччулар сытыы күөн көрсүһүүлэрэ; 👗 «Үрүҥ ииһим үөрүүтэ» — уран иистэнньэҥнэр түһүлгэлэрэ, төрүт таҥас уонна сарыы куонкурса; 🍯 «Эт.Үүт.От» — саха төрүт аһын ураты култууратын көрдөрөр асчыттар улуустааҕы күрэхтэрэ ыытыллыа. Маны сэргэ истиҥ көрсүһүү — аан дойдуга биллибит улууспут чулуу блогера Панда Саха (Вячеслав Романов) кытары маанылаах көрсүһүү буолуо. Бэстибээлбит сылтан сыл кэҥээн, саҥа ааттары арыйа турдун! @taattaadm