Этнологический музейный комплекс «Мандар Уус» МР «Таттинский улус» РС(Я).
Образование · 21 июня 2026 г.
🤝🌍 Доҕордоһуу сомоҕолуур күүһэ: Ытык Тааттаҕа улахан делегация кэллэ — 21 июня 2026 г. в 10:14:04.409
🤝🌍 Доҕордоһуу сомоҕолуур күүһэ: Ытык Тааттаҕа улахан делегация кэллэ Бүгүн, бэс ыйын 20 күнүгэр, «Кулаковскайтан Гамзатовка диэри» межрегиональнай култуурунай-сырдатар бырайыак чэрчитинэн, Таатта сиригэр А.Е. Кулаковскай аатынан Норуоттар доҕордоһууларын дьиэтин улахан делегацията кэлэн, Ытык Таатта мааны ыһыаҕар ыалдьыттыыр. 🌸 Ыһыах арыллыан иннинэ убаастабыллаах ыалдьыттар улуу киһибит А.Е. Кулаковскай — Өксөкүлээх Өлөксөй скверигэр сылдьан, кини пааматынньыгар сибэкки уурдулар уонна улуу суруйааччыбыт сырдык кэриэһигэр сүгүрүйдүлэр. 👥 Делегация састаабыгар "Арассыыйа норуоттарын Ассамблеята" Бүтүн Арассыыйатааҕы уопсастыбаннай-судаарыстыбаннай тэрилтэ Саха Өрөспүүбүлүкэтинээҕи регионнааҕы салаата, салаа салайааччыта — Судаарыстыбаннай Мунньах (Ил Түмэн) Бэрэссэдээтэлин солбуйааччы Афанасий Владимиров. Өрөспүүбүлүкэҕэ олорор араас омуктар (нуучча, саха, юкагир, эбээн, эбэҥки, долган, татар, бурят, алтай, таджик, кыргыз, казах, армян) уопсастыбаннай түмсүүлэрэ; Доҕордоһуу дьиэтин чаҕылхай айар коллективтара: «Сюрприз» эстраднай үҥкүү норуодунай ансамбла, «Русь» вокальнай ансамбль уонна «Дьол» этноквартет; Калининград уобалаһынааҕы «Земляки Саха» уопсастыбаннай тэрилтэ бэрэссэдээтэлэ Туяра Иванова; Дагестан Өрөспүүбүлүкэтиттэн аналлаах ыалдьыппыт — биллиилээх суруйааччы, «Литературный Дагестан» уонна «Соколёнок» сурунааллар кылаабынай эрэдээктэрдэрэ Мурад Ахмедов. 🎤 Үөрүүлээх көрсүһүүгэ: • Таатта улууһун баһылыга Айаал Бурцев кэлбит ыалдьыттары истиҥник эҕэрдэлээтэ. Кини бу ураты бырайыак норуоттар доҕордоһууларын уонна сомоҕолоһууларын күүһүрдэр сүҥкэн суолтатын бэлиэтээтэ. • Саха литературатын төрүттээччи, норуот духуобунай лидэрин А.Е. Кулаковскай сиэнэ Рива Реасовна Кулаковская ураты истиҥ, долгутуулаах эҕэрдэ тылын тиэрдэн, ыалдьыттарга махтанна. 🌀Арассыыйа икки чулуу уолаттарын — Алексей Кулаковскай уонна Расул Гамзатов улуу духуобунай нэһилиэстибэлэрин ситимниир бу бырайыак норуоттар доҕордоһууларын, истиҥ өйдөһүүлэрин уонна биир сомоҕо буолууларын чаҕылхай холобура буолар! @taattaadm