Этнологический музейный комплекс «Мандар Уус» МР «Таттинский улус» РС(Я).
Образование · 21 июня 2026 г.
🌿🌞 ЫТЫК ТААТТА ЫҺЫАҔА ЫҺЫЛЫННА: Хадаайы мааны алааһа уйгунан туолла! — 21 июня 2026 г. в 10:13:48.394
🌿🌞 ЫТЫК ТААТТА ЫҺЫАҔА ЫҺЫЛЫННА: Хадаайы мааны алааһа уйгунан туолла! 🌿Айылҕа бэйэтэ маанылаабыт хайҕаллаах сиригэр, кэрэ көстүүлээх Хадаайы алааһыгар, Ытык Таатта өрөгөйдөөх ыһыаҕа ыһылынна. Бүгүн манна ыраахтан-чугастан ыҥырыллан кэлбит бочуоттаах ыалдьыттар, араас омук бэрэстэбиитэллэрэ бэйэлэрин мааны төрүт таҥастарын таҥнан, ох курдук оҥостон, куорсун курдук куоһаран сэлэлии хааман киирдилэр. Кинилэри кытта тэҥҥэ улууспут нэһилиэктэрин аҕа баһылыктара хааман киирэн түһүлгэҕэ киирдилэр. 🎓 Быйылгы улуус ыһыаҕа сахалартан бастакы идэтийбит инженер-теплоэнергетик, Энергетика уонна олох-дьаһах коммунальнай хаһаайыстыбатын бастакы наркома Ананий Кононович Андреев төрөөбүтэ 125 сыллаах үбүлүөйүгэр ананна. ✨ Ытык сиэр-туом уонна улуу Алгыс: • Үгэс быһыытынан, алгыс саҕаланыан иннинэ мааны түһүлгэҕэ уот уматан, түптэ сылаас буротун унаарыттылар, мааны чэчирдэри астылар. • Маҥан халадаайдаах кэрэ куолар чуораан тыаһын лыҥкынаттылар, далбар хотуттар сири-дойдуну арчылаан мааны саламаны иилтилэр. • Ол кэннэ тоҕус туруйа уол, аҕыс кыталык кыыс арыалдьыттардаах, бары ытыктыыр киһибит — алгысчыт Афанасий Попов «Айыы тыынын иҥэринэн, алгыс тылынан арчыланан» диэн ураты алгыс сиэрин-туомун толордо. Алгыс баһа сыаланна, дьолуо тойук дуорайда! • Күн Дьөһөгөй оҕотун — үрүмэччи маҥан аты сиэтэн киллэрэн айах туттулар. Алгыстаах мааны кымыс үрдүн охторор улахан чиэһи улууспут аҕа баһылыгар Айаал Бурцевка сүктэрдилэр. 🌸 Сир-дойду иччитэ, хатыҥ маска олохтоох, аһыныгас майгылаах Аан Алахчын Хотун бэйэтин Эрэкэ-дьэрэкэ оҕолорун батыһыннаран ыһыах түһүлгэтигэр киирэн кэллэ! Кини кэрэ чуор куолаһынан тойук туойан доллоһутта, бар дьоҥҥо күлүм аллайа үтүө баҕа санаатын үллэһиннэ. 🎭 Ыһыах арыллыытын ураты уус-уран, таһымнаах «Сырдыгы сахпыт, сайдыыны түстээбит» диэн театрализованнай дьүһүйүү ситэрэн, дьон кутун-сүрүн үөртэ. Ытык Тааттабыт ыһыаҕа арылынна! Сомоҕолоһуу оһуокайайа тэрилиннэ. Уруй-айхал! @taattaadm