Яңы уҡыу йылына әҙерлек сиктәрендә Баймаҡ полилингваль күп профилле лицей-интернатында ... — 6 августа 2026 г. в 10:52:02.555

Яңы уҡыу йылына әҙерлек сиктәрендә Баймаҡ полилингваль күп профилле лицей-интернатында ҙур өмә үтте. Был изге эштә мәктәп уҡытыусылары коллективы һәм эшселәре менән берлектә Баймаҡ полилингваль күп профилле лицей-интернатының "Атайҙар ҡоро" ағзалары әүҙемлек күрһәттеләр. Егәрле ир - егеттәр мәктәп янындағы тиҙ арала буйға күтәрелеп киткән үләндәрҙе сапты. Эш күмәкте ярата тигәндәй дәррәү эшләгәс, тиҙ арала эште башҡарып та ҡуйҙылар. Баймаҡ полилингваль күп профилле лицей-интернаты директоры Рәфил Өлфәт улы Ғәлиәхмәтов был изге эшкә ҡул көсө һалған мәктәп коллективы хеҙмәткәрҙәренә һәм Артур Заһир улы Иҫәнов етәкселегендәге "Атайҙар ҡоро" ағзаларына оло рәхмәт һүҙҙәрен еткерҙе.