Кисә, 2 октябрь, Сибай ҡалаһында "Беҙ дуҫтар ташламайбыҙ" исемле бик матур концерт булд...
Кисә, 2 октябрь, Сибай ҡалаһында "Беҙ дуҫтар ташламайбыҙ" исемле бик матур концерт булды. Йәмле һәм йәнле тамаша Рәмил Туйсиндың туғандары, ижадташ дуҫтары тарафынан ойошторолдо. Концертта, сәхнәлә дуҫтар, туғандар булһа, тамашасы залы моңһөйәрҙәр менән тулы ине. Йыраусылар ҙа, уларҙы ҡараусылар ҙа изге ниәт менән килгәнгә, мәҙәни сара бик йылы үтте. Йән йылытыр, күңел күтәрер, йөрәк елкендерер йырҙар бер-береһенә үрелеп, тамашасыны илаһи моң тулҡынында бәүелтте. Йырлатты, уйлатты, илатты... Ошо матур концертты ойоштороуға көс һалған барлыҡ артистарға, Рәмил Парижович Туйсиндың туғандарына, дуҫтарына, рухташтарына, башҡорт йыр-моңона ғашиҡ тоғро тамашасыларына ысын күңелдән рәхмәт әйтәбеҙ. Изгелек ерҙә ятып ҡалмай, сауаптары насип булһын, Аллаһ риза булһын. Концертты онлайн ҡарай алмағандарға офлайн форматта ҡарарға мөмкинлек булдырған дуҫтарыбыҙға видеояҙмалар өсөн айырым рәхмәт. Барығыҙға ла хәйерле ғүмер, ныҡлы һаулыҡ, ниәт иткән эштәрегеҙ, барыр юлдарығыҙ уң булыуын теләйбеҙ! Әйткәндәй, ошондай шәп тамаша тиҙҙән Баймаҡта ла үтәсәк.Ноябрь башында "Беҙ дуҫтар ташламайбыҙ" исемле иҫ киткес шәп концертта барығыҙҙы ла көтөп ҡалабыҙ!