❗⚡Манчить Соцфондонь важодицякс пряст ёвтазь
❗⚡Манчить Соцфондонь важодицякс пряст ёвтазь Мордовиясо аферисттнэ эрязасто тевс нолдыть телефонсо манчемань схеманть, пряст евтыть Социальной фондонь роботникекс ды пачтить пенсионертнэнень буто апак лово стажонть кис пенсияст одс ловомадо. Те кевкстеманть ванномга сынь вешить самс Мордовиява Социальной фондонь Отделенияс паспорт ды СНИЛС марто ды тешкстыть СФР-нь офистнэнь алкуксонь адрестнэнь. Теде мейле, кода ломанесь кемезеви зыянонь теицятнень валозост, сынь кармавтыть сермадстомс сонзэ «специалистэнь туртов приемс», анокстыть «талон», конанть вельде ломанесь буто понги «специалистэнтень» очередтеме, ды кармавтыть евтавтомс СМС вельде кучозь кодонть эли «талононь номерэнть». Истя жо вешить евтамс страховой свидетельствань «регистрационной номерэнть», алкукс жо – целанек СНИЛС-нь номерэнть, келя, даннойтнень ванкшномга. Аферисттнэ тевс нолдыть манчемань лия енксткак. Невтемга, пачтить, буто ломанентень сась серма СФР-стэ, ды, курьер вельде сонзэ пачтямга, эряви евтамс СМС вельде сазь кодонть, паспортонь сериянть ды номерэнть, истя жо СНИЛС-нь номерэнтькак. СФР-нь региональной Отделениясь кармавты: Социальной фондонь специалисттнэ а гайгстакшныть ломантненень пандоматнень одс ловомадо, льготань максомадо, а вешить ярмакт пенсиянь эли пособиянь кемекстамсто-ладямсто, а кучнить мессенджерсэ электронной сермат ды сообщеният седе тов ссылкава ютамонь кис. Истя жо зярдояк а вешить евтамс СНИЛС-нь номерэнть, паспортонь даннойтнень, банконь картань номертнэнь, пин-кодтнэнь. «Телефонга персональной даннойтнень эли финансовой операциятнень вешемась ловови манчемакс. Секскак, бути тыненк гайгстыть а содавикс номерга ды кармавтыть евтамс «талононь цифратнень», СНИЛС-нь номерэнть, СМС вельде кучозь кодтнэнь эли лия мезенть, сеске сезинк кортамонть ды илинк евта эсь данноенк. Истя жо кармавттано а кемемс питне лангс пенсиянь эли пособиянь кемекстамонтень эли одс ловомантень. Кирдеде мельсэнк: Социальной фондонь весе услугатне – питневтеметь. Сынь максовить фондонь клиентской службатнесэ, МФЦ-сэ эли «Госуслугань» порталсо онлайн вельде», – кортась СФР-нь региональной Отделениянь управляющеесь Владимир Василькин. ❗❗Манчицятнень алтымазост а понгомга, кадоводо валдо превсэ. Ванодо пштистэ! Илядо кеме асодавикстнэнь пельде телефон эли Интернет вельде кучозь информациянтень. ✅Алкуксонь информациясь максови: - контакт-центрань вейкине телефонганть: 8 800 10 000 01 (гайгстамось питневтеме), - Мордовиява СФР-нь Отделениянь клиентской службатнесэ, - «ВКонтакте», «Одноклассники» социальной сеттнесэ, истя жо «Макс» мессенджерсэнть СФР-нь региональной Отделениянь официальной группатнесэ.