🌠🌠🌠 А.С. Пушкин лемсэ библиотеканть вакссо гайгсь музыка, эйкакштне киштсть, налксес...
🌠🌠🌠 А.С. Пушкин лемсэ библиотеканть вакссо гайгсь музыка, эйкакштне киштсть, налксесть, пелькстасть эрьва кодамо пелькстамосо, артсть асфальтонть лангсо. Тей сынь тердевсть аволь стяко. Библиотекасонть панжовсь «Ташто тумонь евкст» лементь ало эйкакшонь культурно-просветительской центра. ▶️– Те центрась – васенце минек республикасо. Те таркась алтави ловномантень, налксематненень, пелькстамотненень, эрьва кодамо темань коряс кенярксчинь ютавтомантень. Эйдетне тердевить сехте вишкатне ды 14 иень самс. Минь явинек нупальсэнек башка зонат: ули «Тамашань вирь», косо теезь цюдань тумо, нейтядо, эйсэнзэ улить сэряткак. Вальматнесэ аштить артозь Вирява ды Ведява. Ули «Поляна приключений» – те сцена-подиум вастовоматнень ды мастер-класстнэнь ютавтомантень. Мебеленек покшолгавтови ды вишкалгавтови. «Семейный дворик» таркась алтави сехте вишкатненень, тесэ кармить аватне ды эйдинест. Нама, ладинек эрзянь ды мокшонь раськень оршамопельть, сынст мереви оршамс. Эрьва зонасонть ули эйкакшонь литература. Улить книгат беряньстэ неиця эйкакштненень, – кортась эйкакшонь культурно-просветительской центрань прявтось Наталья Губанищева. 💖Те вастовомантень сакшность ламо эйкашонь триця семиятне. Никишинтнэнь семиясо кавто церынеть ды кавто тейтернеть, ней учить ветеце. 👫Лукашовтнень семиясо кото эйкакшт: вете церынеть ды вейке тейтерне. ✅Сынст валост коряс, эйдест пек вечкить ловномо Антуан де Сент-Экзюперинь «Маленький принц» ды В. Драгунскиень «Денискины рассказы» книгатнень. ⚡Ташто тумонь евкст» эйкакшонь культурно-просветительской центрась панжовсь «Семейные ценности и инфраструктура культуры» федеральной проектэнь «Семья» национальной проектэнть вельде ды Российской государственной библиотеканть лездамонзо вельде.