🌿🌿🌿 Ромодановань райононь Культурань кудосо ютась кенярксчи - Никул Эркаень лемсэ ло...
🌿🌿🌿 Ромодановань райононь Культурань кудосо ютась кенярксчи - Никул Эркаень лемсэ ловномат. Сынь алтавсть Мордовиянь заслуженной поэтэнть, прозаикенть, публицистэнть чачома чистэнзэ саезь 120 иетненень. ▶️Никул Эркай (Николай Лазаревич Иркаев) чачсь Ромодановань райононь Курилова эрзянь велесэ. ✅Ловноматне эрсить эрьва иестэ. Тедеде сынь ютасть келейстэ, лембестэ, парсте анокстазь. 🍃Райононь библиотекась, кона кандтни Эркаень лементь, панжсь произведениянзо вадря выставка. Инжетне путсть цецят поэтэнть кеврунгонтень. 🌸Эркаень стихензэ ловность Николай Карпов, школань тонавтницятне ды Эрзянь ды мокшонь национальной драматической театрань артисттнэ. 🌈Лембе валт ёвтасть А.С.Пушкин лемсэ библиотекань раськень ды краеведениянь литературань отделсэ важодицятне Н.В. Бочканова, В.Б. Бояркина, "Сятко " журналонь прявт редакторось Л.А. Ломшина. Паро ледстнемат Никул Эркайде ёвтнесь роднязо-раськезэ Николай Николаевич Иркаев. Теде ловнодо сы номерсэ 🖍📸