СВО-нь ветерантнэде мелявтозь
СВО-нь ветерантнэде мелявтозь Саранскойсэ ютась МР-нь Правительствань Председателень Васенце полавтыцянть Г.А. Лотвановань прявтсо межведомственной комиссиянь промкс, конасонть толковазельть СВО-нь ветерантнэнень ды сынст семиятненень лезксэнь максомань коряс кевкстематне. Башка вановт ало ульнесь «Защитники Отечества» Госфондонь филиалонть важодемась ды седе пшти кевкстематнень, конатнень марто сеедьстэ вастневкшныть ветерантнэ ды сынст малавикстнэ, решамось. Башка мель явозель ветерантнэнь бытовой ды социальной кевкстематнень топавтомантень. Невтемакс, кортамось мольсь инвалидность марто СВО-нь участниктнень туртов ламоквартирань кудотнень перька таркатнень витнемадо-одкстомтомадо. Истя жо васенце таркасо ашти психологической лезксэнь максомась. Те енксонть коряс ППМСцентрась вейсэ важоди «Защитники Отечества» Госфондонть марто. А седе эрявиксэкс каднови СВО-нь ветерантнэнень ды сынст семиятненень медицинань лезксэнь максоманть коряс кевкстемась. Мордовиясо сынст туртов анокстазь медицинань лезксэнь максомань комплексной адресной система. Боевой действиянь ветерантнэнь туртов ютавтовить профилактикань мероприятият ды диспансеризация. Боевой действиянь ветерантнэнень истя жо максови лезкс важодема таркань вешнемстэ. Теде башка, СВО-нь участниктнень ды сынст семиятнень туртов ютавтневить физкультурной ды спортивной мероприятият, ветяви робота адаптивной спортонть виевгавтоманзо коряс. Нама, тееви весемесь, штобу СВО-нь эрьва участникесь а кадоволь эрявикс лезкстэме.