Панжовсь мемориал
Панжовсь мемориал Чаунзань 1-це № лицеенть икеле панжовсь мемориал. Сон алтави тесэнь прядыцятненень, конатне максызь эрямост Тиринь масторонть кис. Монументэсь вейсэндинзе эрьва кодамо шкань геройтнень: сетнень, кить ятонть каршо тюрсть Ине Отечественной войнасо, маштовсть Афганистансо ды Чечнясо долгонь топавтомсто, истя жо цератнень, конатне чавовсть специальной военной операциянь таркатнесэ. Те мемориалонть теемс ярмактнень максызь эрицятне. Сынь пурназельть школань благотворительной ярмункасонть. Эсест путовксост теизь лицеенть икелень шкатнестэ прядыцятнеяк ды истя жо ве ено а аштиця ломантне. Россиянь гимнанть морамодо мейле мемориалонть панжизь лицеень директорось Наталья Курочкина, Чаунзань райононь прявтось Валерий Буткеев ды юнармеецэнь отрядонь командирэсь Алина Канцарина. Маштовозтнень ледстизь чатьмонемань минутасо. Меельцекс мемориалонтень путозельть цецят.